Beirut
16°
|
Coming
Soon
Coming
Soon
بلديات
الرئيسية
الأخبار المهمة
رادار
بحث وتحري
المحلية
اقليمي ودولي
أمن وقضاء
رياضة
صناعة الوطن
كارت أو كاش
بوب
|
المصدر:
ليبانون ديبايت
|
الخميس
12
أيار
2016
-
14:19
تانيا ورانيا "توينز"، ما بيتفقوا على شي. وقت السفر، رانيا بتاخد الكارت وتانيا بتاخد كاش وبيضلن يتشارعو.
انا بوب، وراح خبركن مين منن اشطر من التانية.
. الكارت خفيف وصغير، يعني اقل لبكة. في فرق بينو وبين مبلغ من الوراق النقدية.
. تانيا من السهل انو تنسرق ويروح عليها المبلغ، بينما اذا انسرقت رانيا فيها تلغي الكارت بمجرد الاتصال بالبنك.
. تانيا بتخلي اغلبية المصاري بخزنة الاوتيل وما تحمل معها الا المبلغ اللي بحاجته. بينما المشكلة الاساسية اللي بتواجه رانيا انو الكارت تبعا معرّض للغش والاحتيال ومن السهل على التجار سرقة المعلومات الشخصية عنه. اذا لاحظت ايا حركة بتثير الشك بحسابها، لازم بسرعة تخبر البنك.
. تانيا ما بتدفع رسوم تحويل العملة أو الفوائد. اما رانيا، فدايما مضطرة تتأكد من شروط التداول بالعملات الاجنبية، لتعرف الرسوم الاضافية المفروضة عليها بس تصرّف مصاري أو تسحبها من الـ ATM. لما تسافر على أوروبا، بتاخد معها بطاقةEurocard لتوفر على حالها. ولتتفادى الرسوم، بتتأكّد إنّه الرمز الموجود على أسفل يمين بطاقتها هوّ ذاته على الآلة.
. لما يسافروا على مدينة أو ضيعة بمناطق وبلدان صعب يتلاقى فيهن أجهزة ATM، راينا دايما بتضطر تتدين مصاري من رانيا.
باختصار، القصة مافيها ربحان وخسران. كل شي الو الاستعمال تبعو: كارت للدفعات الكبيرة متل الشوبينغ، والكاش للدفعات الزغيرة متل الاكل او فنجان قهوة.
كما انو ضروري استخدام تطبيق البنك او الموقع الالكتروني وقت السفر للتأكد من الرصيد والتحكم بالحساب وتحويل المصاري بين الحسابات بأي عملة او تحويل لفريق تالت بنفس البنك بطريقة امنة.
انضم الى قناة "Spot Shot by Lebanon Debate" على يوتيوب الان،
اضغط هنا