https://www.facebook.com/fivestarstoursleb/
Back to homepage
 


إنت بلبنان؟ لكن بلّش جمّع للعرس!

ليبانون ديبايت - بوب

ألف ألف مبروك! وأخيراً لقيت نصّك التاني لتعيشوا سوا بسعادة وتكفّوا العمر مع بعض.

إذا بتحسّ أجمل يوم بحياتك رح يكون مشحون بالقلق والهموم بسبب تحضيرات وتكاليف العرس، خلّينا نساعدك لتبلّش حياة زوجيّة بلا ديون.

1. بلّش مع الميزانيّة‬
حدّد الميزانيّة والتزم فيها لما تزيد عن حدّها. حدّد قائمة بكلّ التكاليف واختار أفضل الأسعار وحدّد نوع العرس يلي بتحلم فيه وبتقدر تتحمّل تكاليفه من:
• عدد الضيوف
• مكان الحفلة والاستقبال‬
• فستان العروس والشعر والمكياج‬
• الأكل والمشروب‬
• غاتو العرس
• الموسيقى/ الترفيه‬
• السيّارات‬
• التصوير ‬
• الزهور‬

حدّد المبلغ يلّي بدّك تخصّصه لكلّ بند بالقائمة لتعرف مجموع تكاليفك وحدّد قائمة بكلّ شي عبالك بس مش من الأولويّات كرمال تضيفه في حال زاد مصاري على الميزانيّة.

2. شو المبلغ يلّي لازم تجمّعه؟
من بعد ما حدّدت ميزانيّة عرسك، لازم تعرف شو المبلغ يلّي لازم تجمّعه والوقت اللازم لتجمّع هالمبلغ.

3. بلّش جمّع هلّأ!‬
كلما بلّشت تجمّع على بكّير كلما كان أسهل تتحكّم بمصاريفك. افتح حساب توفير لتحصل على معدّل فايدة عالية.
إذا بدّك نهار عرسك يبقى ذكرى ما بتنّسى ما تحمّل زواجك أعباء بغنى عنها.
بوب | ليبانون ديبايت
2016 - أيار - 20

Facebook    Tweet
   

المواد المتوفرة في الموقع تحت رخصة المشاع الإبداعي
تواصلوا معنا عبر   HyperLink   HyperLink
من نحن   |   إتصل بنا   |   شروط التعليق   |   وظائف شاغرة   |   للاعلان معنا
   
  تم تصميم وتطوير الموقع من قبل شركة ايتيك