Back to homepage
 

إذا المدارس عالابواب، ما تفتحوا عحالكن باب!

متل كلّ سنة بهالوقت، ومع إنّو بتكون بعدا مصيفة الدني فجأة بتبلّش تشتّي عروضات "العودة للمدارس"
من كلّ الميلات، من المكتبات للسوبرماركات لمحلّات الألعاب وكتار غيرن.
مظبوط إنّو الرجعة عالمدرسة كتير مهمّة للاولاد بعد صيفيّة حافلة بالنشاطات،
بس بالوقت ذاته متعبة للأهل يلّي بدّن يركضوا ليشترولن كلّ الأدوات المكتبيّة.

كتار من الأهل ليحمسوا اولادن عالمدرسة، بيغروهن بالأدوات المكتبيّة بأشكالها وألوانها المختلفة من الماركات العالميّة للشخصيّات الكرتونيّة بحبّوها. بس ما تفتحوا هالباب على حالكن!
لأن هالشي يعتبر مشروع بحدّ ذاته وبدّو ميزانيّة خاصّة إنّو بعد الصيفيّة.
أنا بوب و رح قدّملكن نصايح بتساعدكن تنظموا ميزانيّتكن وتوفّروا على جيبتكن:

اعملوا جردة: شوفوا بخزانة اولادكن واغراض المدرسة شو ناقصن وسجلوُّن على لايحة المشتريات.

التزموا بميزانيّة محدّدة: حدّدوا المبلغ يلّي مفكرين تصرفوه لتجهّزوا اولادكن للمدرسة.

هالطريقة ممكن تساعدكن تعرفوا شو صرفتوا السنة الماضية وتقارنوها مع هالسنة.

شوفوا وين برأيكن بالغتوا بالصرف ووين مفروض تصرفوا أكتر.

حضروا لايحة: سجلوا شو ناقص كلّ اولادكن اغراض للمدرسة على اللايحة بِحسب الأولويّة لأن في كتير اغراض مش مستعجلة وبتنطر لكانت بلّشت المدرسة. فإذاً لازم تستفيدوا من هالشي لما تضطرّوا تدفعوا كلّ شي ضربة وحدة.

تناقشوا بالموضوع: كلنا بدنا اولادنا يكون عندن آخر صرعات الأدوات المكتبيّة بس كتير مهمّ ننتبه إنّو في منّن نوعيّتن سيئة كتير يعني رح يخربوا من أوّل شهر بالمدرسة. فإذا كنتوا بتفضلوا تدفعوا أقلّ لازم تخبروا اولادكن شو ناطرن.

استفيدوا من العروضات: حملات "العودة للمدارس" بتقوم بعروضات كتير قويّة ومغرية، لهيك ضروري تستفيدوا منّها.

استخدموا البطاقات الإئتمانيّة صحّ: مثلاً أوقات بتشتروا لابتوب لاولادكن وبعد سنة بيتعطّل أو بصير يتلّت، هيدا ما بيعني إنّو لازم تدفعوا كلّ قيمته من البطاقة الائتمانيّة خاصّة إذا ما كنتوا مأكّدين من قدرتكن على تسديد المبلغ للبطاقة.

وهلّأ صار فيكن تبلشوا تشتروا اغراض المدرسة بذكى!
بوب | ليبانون ديبايت
2016 - أيلول - 20

Facebook    Tweet
   

المواد المتوفرة في الموقع تحت رخصة المشاع الإبداعي
تواصلوا معنا عبر   HyperLink   HyperLink
من نحن   |   إتصل بنا   |   شروط التعليق   |   وظائف شاغرة   |   للاعلان معنا
   
  تم تصميم وتطوير الموقع من قبل شركة ايتيك