بس تقرّر تشتري سيّارة بتلاقي حالك محتار بين إنّك تشتري سيّارة جديدة أو مستعملة. فكرة إنّك تشتري سيّارة جديدة بتِغري، خاصّةً عند أشخاص ما بحبّوا يشتروا "مشاكل"، بس من جهة تانية في أشخاص بيعتبروا مش منطقي يدفعوا حقّ سيّارة جديدة من الشركة.

فيك تقرّر بحسب ميزانيتك وتفكيرك، وإذا كنت بعدك محتار، منقدّملك لايحة بالحسنات والسيئات لنساعدك تختار:

السيّارة الجديدة

حسناتها:
1- كفالة من الشركة
2- فيك تختار مواصفاتها
3- ما فيها مشاكل قديمة
4- استهلاك أقل للبنزين وعدد الأميال
5- فايدة بنسبة أقلّ
6- تأمين شامل بأقلّ كلفة

سيّئاتها:
1- بتخسر من قيمتها بسرعة
2- سعر قطع الغيار عالي
3- رسوم ميكانيك عالية

السيّارة المستعملة:

حسناتها:
1- سعرها أرخص
2- ما كتير بتخسر من قيمتها
3- موديل أفضل بالسعر ذاته
4- خيار أوسع من السيّارات
5- سعر قطع الغيار أرخص
6- رسوم ميكانيك مخفّضة

سيّئاتها:
1- متانتها غير مضمونة
2- ما بتشمل كفالة وخدمة تصليح
3- كلفة صيانتها عالية
4- ما بتقدر تختار مواصفاتها

بدّك تحسم رأيك؟
بالأوّل تأكّد إنك فيك تسدّد قيمة السيّارة بـ 4 أو 5 سنين، وإذا منّك مأكّد، يعني ما فيك تتحمّل كلفتها. إذاً ما عندك خبرة بالسيّارات، اطلُب المساعدة من أصحابك واستشير رأي اختصاصي معك لفحص السيّارة في حال كانت مستعملة، وبكلّ الحالات من الأفضل تطّلع عبر الإنترنت على موديل السيّارة وتعرف رأي الناس فيها.