بالفيديو.. الشاعر طوني ابي كرم يطلق صرخة مدوية بوجه المسؤولين

تحت عنوان “تركولنا لبنان”، اطلق الشاعر طوني ابي كرم صرخة وطنية مليئة بالوجع بعد كل الذي حصل ويحصل في لبنان، حيث قام “ابي كرم” بنشر فيديو على قناته الرسمية عبر موقع يوتيوب للقصيدة، مخاطباً من خلالها المسؤولين اللبنانيين وطريقة تعاطيهم بالملفات السياسية والحياتية والاجتماعية خاصة بعدما وصل لبنان الى حافة الهاوية ان لناحية الوضع الاقتصادي الصعب الذي يعيشه كل مواطن لبناني او لناحية غلاء المعيشة او عدم توفر فرص عمل ما يدفع بالشباب اللبناني للسفر الى الخارج من اجل العمل او للهجرة من لبنان بهدف تأمين حياة كريمة وافضل. ووصل ألم ووجع “ابي كرم” الى حد القول في القصيدة “خدوا كل شي ما بدنا شي بس تركولنا لبنان”.

كلام القصيدة يتناول كل مواطن وهذا ما دفع بجمهور “ابي كرم” بالثني عليها وذلك على صفحته الخاصة عبر موقع فايسبوك حيث اكد الجميع ان “ابي كرم” معه حق 100%.

ويقول طوني ابي كرم في القصيدة:

انا لبناني انا انسان متلي متل كل الناس
انا بيتي بكل الشوارع وعندي للوطن احساس
ساكت وصابر عليكم منتظر خشبة خلاص
وانتو لخليتو بلادي لا كيان ولا اساس
عندي عيلة وعندي اسمي وعندي اكتر من ولد
والشعب بالنسبة قلكن هني مجرد عدد
خوفي من مستقبل اسود ياخود اكتر ما اخد
ومش خايف من الفقر خايف انو ما يبقى البلد
انا شو همي انتو مين وبيكن مين وجدكن مين
انا همي نعيش بكرامة وبهالوطن وين رايحين
لا بدنا حروب ولا مآسي ولا دمار باسم الدين
بيكفي عيشتوا هالعالم منهوبين ومحرومين
عم تتقاتلوا عالمقاعد وعالمراكز وعالحصص
وما تركتولنا موارد وكل شي زاد معكن نقص
والصبايا والشباب حرمتوهن من الفرص
اجا وقت يعلا صوت الناس ويقولوا خلص
يا ريت بتوعوا وبترجعوا للانجيل وللقرآن
ترحموا الشعب لي عايش بالاذلال وبالحرمان
وتفتكروا انو في غيركن بهالبلد في انسان
خدوا كل شي ما بدنا شي بس تركولنا لبنان