بمناسبة يوم المرأة العالمي، وجّهت رئيسة الكتلة الشعبية ميريام سكاف، تهنئةً للمرأة في عيدها، وغرّدت قائلة:
"الطريق لنجاح المرأة عم بيمر دايماً اما بمعركة او بحركة احتجاج او بنضال مستمر لتحقيق الهدف. ما في شي سهل، بس كمان ما في مستحيل قدامها، والمرأة عم بتصارع كل يوم لتثبّث حقها".
وأضافت سكاف أنّ "دورها تكون نص الدني، بالوقت يلّي بتنظرلها التقاليد والتشريعات وبعض المجتمعات على انها تحت خانة الرجل، بتوصل اذا هوي أراد، بتنجح اذا هوي قرر، بتحكم اذا هوي تحكّم".
كما اعتبرت أنّه "لمن نرفع هالقيود ونزيل "البلوكات" الاجتماعية، لمن المرأة الام يحقلها تمنح جنسيتها لاولادها، لمن تدعم الطوائف قانون تزويج القاصرات ونطوّر قوانين العنف ضد المرأة بمختلف اشكالو .. ولمن ما نحاربها بحضانة اطفالها، ولمن ما نوقف بوجها لنحّد من قوتها...لمن هالحقوق منشوفها قدامنا وقتها منشعر انو عيد المرأة صار عالمي"
الطريق لنجاح المرأة عم بيمر دايما ً بمعركة
— Myriam Skaff (@MyriamSkaff) March 8, 2019
دورها تكون نص الدني بالوقت يلّي بتنظرلها بعض المجتمعات على انها تحت خانة الرجل،بتوصل اذا هوي أراد،بتنجح اذا هوي قرر، بتحكم اذا هوي تحكّم
لمن نزيل "البلوكات" الاجتماعية،وقتها بنشعر انو #عيد_المرأة صار عالمي#يوم_المرأة_العالمي#نضال_مستمر
الـــمــــزيــــــــــد
