كتب النائب ابراهيم كنعان في منشور على حسابه عبر منصة "إكس": "13 تشرين الأول 1990 مش يوم من التاريخ منتذكّرو نهار ومننساه تاني نهار. ومش شخص أو حزب أو تيار أو جماعة أو شعار".
وتابع، "هو، متل ما أرادوا لي استشهدوا، قصة وطن وحرية وكرامة إنسان والتزام بمبادئ وقضية، وهو نضال مستمر لدولة قوية بجيشها ومؤسساتها الشرعية، بتقوى بالإصلاح والمحاسبة مش بالتسويات وزواريب المصالح".
وأضاف كنعان، "هو بالنسبة إلنا كمان إنو نقول "لا" بوج الغلط، مهما كانت هالـ"لا" صعبة، ويكون عنا الجرأة والقدرة على المثابرة والعناد للحق وصولاً للتطبيق".
وأكد، "الوفا لمبادئ 13 تشرين الأول كان وبعده ومكمل… وفا لدماء الشهداء والجرحى والمفقودين بالسجون السورية، ونكون ملتزمين بقضيتهم وحد عائلاتن كل يوم، ومش تخلص الخبرية بصورة ونهار".
واختتم، "25 سنة من عمرنا بتختصر كل العمر… مبارح واليوم وبكرا، منتعلّم، منكافح، منوقف عن جديد، لنستحق نحنا وولادنا وطن على صورة حلم لي استشهدوا وعلى قدر تضحياتن مش مصالحنا".
الـــمــــزيــــــــــد
