نشر الممثل يوسف حداد على حسابه عبر "فيسبوك" فاتورتي الكهرباء والاشتراك بالمولد الكهربائي، معبّرًا عن غضبه من "سرقة" جيوب المواطنين.

وقال حداد: "معقول هالحكي وبأي منطق، فضيحة وطنية مكملة بحقنا كمواطنين ملتزمين بالقوانين ونتأمل ببناء وطن عادل".

واضاف: "اتضحلي انو ازمة الاخلاق والانتماء والوطنية تجذرت وكبرت لحد الفحش وقلة الحيا وعدم الخوف من المحاسبة يوماً. مليارات انسرقت والاف استشهدت والطائفية بأوج عزها والاقتتال مستمر والنهب ع عينك يا تاجر بكل الوزارات والمباني الحكومية والمؤسسات العامة مع موظفين فاسدين تابعين خنوعين مذهبيين راكعين قدام الريس وبخدمتو المهم يضل النهب ماشي".

وتابع حداد:"الصورة الحاططا بتفرجي اداي كمية السرقة ولاي ما بدهم الكهربا تجي وتتأمن لأنن عم يتقاسمو فواتيرنا متل يهوذا وجنود العتمة".

وختم قائلاً: "الله لا يسامح كل مسؤول او موظف استعمل ومكفّي منصبو للنهب والتفرقة وتفقير الناس وضياع الوطن والهوية. هزلت ولازم بالصرماية ينضرب كل سارق وفاسد. يا ويلهم من ربهم ما شبعو بعد".