كتب مخرج برنامج "هيدا حكي" ناصر فقيه عبر حسابه على "تويتر": "إذا سكتش زغير بين عادل ونانسي خلَّى الـ" ال بي سي" تغير برمجة برامجها، شو رح تعمل فيكن الحلقة؟ "#الثلاثاء_النا" وخلِّي كل واحد يرجع لحجمه الطبيعي".

فردّ مقدّم برنامج "لهون وبس" هشام حداد بالقول: "للأسف إنك تحمست بسرعة وتسرعت بتعليقك, الـ" ال بي سي" غيرت البرمجة بسبب ماتش الحكمة والرياضي الثلاثاء، هلق خبرني شو رح تعملو".

فعاد فقيه لتذكير حداد بأن محطة الـ "ال بي سي" كانت قد جربت بالموسم السابق قبل وعرضت "ماتش" حكمة رياضي بوجهنا, مضيفا "راجع الـrating بوقتها وشوف شو عملنا فيهن يا حداد". فأجاب هشام: "انشالله بالتوفيق، انا عم علق على تسرعك بتحليل تغيير الموعد وموضوع الحجم مش انت بتقررو يا فنان" .

فقال فقيه: " برافو هشام وانت كمان بالتوفيق.. والرياضي بدّو حكمة حتى اذا ما توفّق بالماتش".

ولكن فقيه عاد ومسح التغريدات, موضحا "شلت تويتات سابقة كنت كاتبن لانو الموضوع ما بيحرز و ما بدّي اجوي التايم لاين بلا عازة ... و بس ."