ضو للسيّد: يا عبدا قبيحا.. لا أنت سيد ولا جميل

نشر الاعلامي نوفل ضو عبر صفحته الشخصية على فايسبوك ردّا على ما قاله في الأمس اللواء جميل السيد على الحكم الذي قضى بإنزال عقوبة الأشغال الشاقة بالوزير السابق ميشال سماحة مدة ثلاثة عشرة سنة بأنه لو كان سماحة سُنياً أو شيعياً ومُجرماً بأكثر مما هو، لكان القضاء حكمه بمدة مخفضة كالمعتاد ولكن لأنه مسيحي، استضعفوه فأكلوه, فكتب:

"يا حامي المسيحيين إنت ... يا معيشن ... يا مضهرن من سجون الظلم ... يا محررن من قهر الإحتلال ... يا حامين من الإستبداد ... يا ابونا تارديف إنت ... لعما ولو ... لهالدرجة مفكر الناس بلا ذاكرة وبلا تاريخ ...

دخلك إنت ما عملت مدير عام أمن عام على حساب المسيحيين؟ ... ما تخطيت مدير المخابرات المسيحي لما كنت نايبو وفالت على راسك ... مش إنت فبركت التهم للقوات اللبنانية المسيحية؟ مش إنت اخترعت تفجير سيدة النجاة؟ مش إنت حبست 10 آلاف شب قواتي مسيحيين؟

مش إنت يللي استضعف المسيحيين ... أو بالأحرى ضعفن؟ مش إنت يللي استكبرت على المسيحيين ومارست فوقيتك علين واستغليت منصبك والسلطة لضربن وإضعافن وقهرن؟

يلعن أبو هالإيام يللي تاركتك تحكي وتصرح ... جايي اليوم يللي رح تصير في حد سماحه ... لأنو الله كبير ... وساعتا بس بيبطلو المسيحيين مستضعفين ..."

وأضاف: "كلام جميل السيد يللي كان مع ميشال سماحه بالسيارة يللي نقل فيها سماحة المتفجرات من سوريا على لبنان ما بيعني ضمنا إنو هوي برات الحبس لأنو شيعي ومستقوي بحزب الله؟ صار ثابت إنو هوي القديس السادس للحزب بعد القديسين الخمسة المطلوبين للمحكمة الدولية."

وختم ضو:"يا عبدا قبيحا ... فلا أنت سيد ولا أنت جميل !"