ديما صادق في جدال حاد مع طالب!

علّقت الاعلامية ديما صادق عبر صفحتها على مواقع التواصل الاجتماعي على كلام كان قد نشره طالب في كلّية العلوم في الجامعة اللبنانية عبر صفحته الخاصة على فايسبوك, فكتبت "عزيزي طالب كلية العلوم في الجامعة اللبنانية اللي بدك "تضرب البنت اللي لابسة مفتوح و تغطيها بالقوة" : انت واحد داعشي طبق الأصل . فيا ريت تبطل تدعي انك ضدهن . بس هيك."

من ثم أضافت بعد جدال حاد دار بينها وبين الطالب ورواد مواقع التواصل الاجتماعي "وردني "توضيح" (؟!) من ألطالب اللي بدو يضرب البنت اللي بتجي مفرعة عَل جامعة اللبنانية. قال هو ما قال بيضربها اذا إجت مفرعة قال بيضربها اذا إجت " من غير هدوم "

وأضافت "قال المعنى الاول شوه رسالته . طيب عزيزي الطالب اللي بدك تضرب زميلتك، من غير هدوم هو تعبير شعبي لنقول لَبْس مفتوح كتير ، عشان مش ع علمي انه بحياتنا شفنا حدا بلبنان كليا بلا تياب. سابقة لم تحصل. و اذا حصلت عادة بكون هيدا تسجيل موقف، ( يحصل كثيرا في الغرب و حصل في مصر و تونس ). حتى بهل حالة مين اعطاك الحق بالاعتداء على الجسد و الموقف و على حرية التعبير و على الحرية الشخصية، و لو اني أكيدة أنه من غير هدوم معناها هنا اللبس المفتوح جدا. فمرة اخرى، صديقي الطالب، حضرتك داعشي طبق الأصل ، فحاج تدعي انك عّم بتحارب الاصولية نقطة ."