سكاف: من زحلة لعين دارة.. "كلنا معكم"

تعليقاً على ما يحدث في عين دارة قالت رئيسة الكتلة الشعبية السيدة ميريم سكاف في بيان:

" من زحلة.. لعين دارة
السموم عم تحتال عالأمكنة والمطارح والناس، بس كل ما شوف الهمة المرفوعة لأهل عين دارة بالميدان والقضاء بتذكر معركتنا.. وقلق إيلي ع مدينته.. والخطوات الي اصر عليها رغم مرضه.. بتذكر كيف قدر مع اهل زحلة يشيل الهم عن القلب، ويمنع تحويل هالمدينة لبرميل اسمنت
اليوم اهلنا بعين دارة عم يمشوا ع ذات الدرب، وحاربوا المعمل المدعوم "وعم يتمدد".. مسنود من سياسيين كتار أولويتهم مصالحهم.
بس عين دارة بالتاريخ هيّ عين دارة اليوم ومعارك الحق والارض عندها عطول رابحة.
نحنا قدرنا نمنعهم.. وانتم كمان قادرين.
كلنا معكم، من قلب ايلي الغافي لكل قلب نابض".