الراسي عن طليقها: "فشل بكل شي قال يجرب التمثيل".. ورسالة مؤثرة

نشرت الممثلة نادين الراسي فيديو عبر حسابها على "تويتر"، تتصفح فيه نصاً تحت عنوان "زوجتي الثانية". وعلّقت عليه بالقول: "احزروا ميييين؟ اكيد هايدا ياللي فشل في كل شي وقال يجرب حظه بالتمثيل يمكن ينجح وانا ما بظن".

اشارة إلى أنّ المنتج مروان حداد كان قد نشر صورة لطليق الراسي جيسكار أبي نادر، وعلّق بالقول: "قريباً".

كذلك نشرت الرّاسي تحت هاشتاغ ( #عم_بحكي_مع_حالي #خواطر_نادين_الراسي) ما يلي: "بعمري ما حسّيت بالأمان ولا فرجيت ضعفي لإنسان، حملت هموم الدّني بكّير.. بكلّ صبر وتضحية وإيمان، صار الوجع عندي لذة. ولحظات الفرح مزويّة بكتاب النّسيان. حتّى الضّحكي اللي تزورني مرّات. بلحظتا خاف إدفع تمنا بعدين سنين هيك من عمري مرقت ووراق من رزنامة حياتي احترقت.. مبارح اليوم وبُكرا شو بتفرق ناطرة يجي شي يوم وعيش بسلام. لو ببقعة صغيرة منسيّة تحميني من شرّ وحقد الإنسان مش قصدي أنا مش مخطيّة الكمال بس لربّ الأكوان. بس أنا تعبت واشتاقو عينيًّي أوقف عمرايتي وإلبُس الفستان وأُصرُخ بأعلى صوت للمرا اللي فيّي تنفُض عنّا غبرة الزّمان وإعترف إنّو القوّة اللي فيّي كشفت ضعف كتار ورميوني بسهام. وشوَّهو لمنيح اللي فيّي بزمن شحِّت فيه الرُّجولي وعِزَّة النفس والإحترام".