نجل قهوجي لوالده.. "هلأ صار وقت العيلة اللي انحرمت منه"

وجّه جو قهوجي نجل قائد الجيش العماد جان قهوجي عبر حسابه الخاص على "فيسبوك" رسالة مؤثرة الى والده الذي أشرف على مغادرة منصبه ككقائد للجيش، قال فيها:

" 103 أشهر على رأس المؤسسة العسكرية،
103 أشهر من أصعب المراحل اللي مر فيها لبنان أمنيا وعسكريا وسياسيا
103 أشهر كان فيهم اغتيالات وتفجيرات، ومعارك، وإرهاب، وفراغ، والقبض على مئات الشبكات الإرهابية، وزنار نار محيط فينا من كل الجوانب، ولبنان معرض بأي لحظة يسقط بالهاوية.
103 أشهر، ولا مرة الجيش ضعف، ولا تراجع، ولا تخاذل، ولا كان طرف بأي أزمة داخلية.
103 أشهر كان على قد المسؤولية وأكتر، حافظ على القسم، وحافظ على لبنان، وحمى اللبنانيين، وهلأ صار وقت تسليم المسؤولية.
دخل رأسه مرفوع، وسلّم المسؤولية بعزة وكرامة وشموخ ورأس مرفوع. هيدا هو العماد جان قهوجي، كل الفترة الماضية كان همه لبنان والجيش واللبنانيين، وبتبقى الإنجازات هي اللي بتخبر عن البطولات. وهلأ صار وقت العيلة، اللي انحرمت منه كل الفترة الماضية".