"شو نفع الطّب، إذا ما في إنسانيّة"...هذا ما حصل في الضمان الدورة؛

-رصد التحري-
نشرت جمعية بربارة نصار عبر فايسبوك، حادثة مؤسفة وهو تعرضه لأزمة صحية أثناء انتظاره لمعاملته في الضمان ولم يتم الاكتراث لحالته بالرغم من وجود طبيبة في المكان. وهذا ما جاء:

شو نفع شهادة الطّب، إذا ما في إنسانيّة!!
هوي وناطر معاملة الموافقة المسبقة بالضمان الاجتماعي، الدورة؛ غاب عن الوعي المريض ووقع بالأرض على باب مكتب الطبيبة المراقبة. هال "إنسانة" يلي ما كلّفت خاطرها تقوم عن مكتبها وتشوف شو صار، بحجّة إنّو ما معها العدّة.
ولأنّو العالم لبعضها، اتّصلنا بالصليب الأحمر اللبناني، وناس ناطرة دورها، جابت مي وحلو (وما كان معنا عدّة)... والطبيبة بعدها ما انهزّت.
لأمتين باقي الذلّ والنّطرة على بواب مؤسّسة الضّمان الاجتماعي!!؟
#الضمان_الاجتماعي_اللبناني