جو معلوف عَ ضوّ الشمعة بسبب المافيات

نشر الإعلامي جو معلوف على حسابه عبر "انستغرام" صورة وهو يعمل على ضوء الشمعة وعلق على الصورة بالقول:"لأنو كتار وكتار كتير اللي ما معن يدفعوا إشتراك موتور وبيقعدوا كل يوم 7 ساعات بالعتمة وما حدا بيعرف فيين".

وتابع:"عضوّ الشمعة لأنو عم يطلبوا منّا ننّقي بين 2 مافيا: مافيا بعض أصحاب الموتورات ومافيا الدولة اللبنانية الكذاّبة اللي صرلها عشرات السنين بتكذّب عالشعب وبتوعده تؤمنّله أبسط حقوقه".

وشدد على أن "بملف الكهربا، المافيا الاكبر هيي الدولة اللبنانية والسياسيين اللي عم يلهونا بمعركتن مع أصحاب الموتورات بالوقت اللي مش مأمنين لا فيول لمحطات الكهربا ولا خطّة للكهربا"، مشيرا الى أن " عم يلهونا بمعركتن مع أصحاب الموتورات ليجّربوا يسيطروا على كهربا زحلة".

وشدد على أن " كهربا زحلة هالتجربة الناجحة 24/24 واللي ما بتشبه وعود السياسيين الكذابين اللي صرلن سنين بيوعدوا وما بيوفوا"، وسأل:"معقول في كم سياسي كرمال يشاركوا بحصة بكهربا زحلة مستعدين ما يجددوا الرخصة لحتى هنّي يستولوا على كهربا زحلة؟".

وتابع:"أنا ما شفت أوقح من هيك. بدال ما تجربة كهربا زحلة تتعمّم بكل لبنان ونرتاح كلنا من هالملف، راكضين بدكن تعبّوا جيوبكن أو ما بتمشوا بتجديد رخصتها ؟".

ولفت الى أن "عم يلهونا بالمعركة مع الموتورات لننسى التقارير اللي طلعت عكهربا الذوق اللي عم تسمّم كل سكّان المنطقة"، مشيرا الى أن "عضوّ الشمعة بلّشنا لأنو كلنا مقطوعين. مش بس مقطوعين من الكهربا، مقطوعين عن حقوقنا ومقطوعين عن كرامتنا لأنو ساكتين ومقطوعين عن صحّتنا".

وأضاف:"كشفنا نتايج فحوصات اللفت اللبناني والجلاب والعصير اللي كلّ الاولاد والعيلة بيشربون، والدجاج المكبوب عالطرقات مليان ميكروبات وعم ياكلوه الناس، هالمرّة وكلّ مرّة ما لازم نسكت بقا على حساب صحّتنا وكرامتنا".

View this post on Instagram

صورة عضوّ الشمعة. لأنو كتار وكتار كتير اللي ما معن يدفعوا إشتراك موتور وبيقعدوا كل يوم 7 ساعات بالعتمة وما حدا بيعرف فيين. عضوّ الشمعة لأنو عم يطلبوا منّا ننّقي بين 2 مافيا: مافيا بعض أصحاب الموتورات ومافيا الدولة اللبنانية الكذاّبة اللي صرلها عشرات السنين بتكذّب عالشعب وبتوعده تؤمنّله أبسط حقوقه. بملف الكهربا، المافيا الاكبر هيي الدولة اللبنانية والسياسيين اللي عم يلهونا بمعركتن مع أصحاب الموتورات بالوقت اللي مش مأمنين لا فيول لمحطات الكهربا ولا خطّة للكهربا. عم يلهونا بمعركتن مع أصحاب الموتورات ليجّربوا يسيطروا على كهربا زحلة. كهربا زحلة هالتجربة الناجحة 24/24 واللي ما بتشبه وعود السياسيين الكذابين اللي صرلن سنين بيوعدوا وما بيوفوا. معقول في كم سياسي كرمال يشاركوا بحصة بكهربا زحلة مستعدين ما يجددوا الرخصة لحتى هنّي يستولوا على كهربا زحلة؟ أنا ما شفت أوقح من هيك. بدال ما تجربة كهربا زحلة تتعمّم بكل لبنان ونرتاح كلنا من هالملف، راكضين بدكن تعبّوا جيوبكن أو ما بتمشوا بتجديد رخصتها ؟ عم يلهونا بالمعركة مع الموتورات لننسى التقارير اللي طلعت عكهربا الذوق اللي عم تسمّم كل سكّان المنطقة. عضوّ الشمعة بلّشنا لأنو كلنا مقطوعين. مش بس مقطوعين من الكهربا، مقطوعين عن حقوقنا ومقطوعين عن كرامتنا لأنو ساكتين ومقطوعين عن صحّتنا. كشفنا نتايج فحوصات اللفت اللبناني والجلاب والعصير اللي كلّ الاولاد والعيلة بيشربون، والدجاج المكبوب عالطرقات مليان ميكروبات وعم ياكلوه الناس، هالمرّة وكلّ مرّة ما لازم نسكت بقا على حساب صحّتنا وكرامتنا.

A post shared by Joe Maalouf|جو معلوف (@joemaalouftv) on Nov 14, 2018 at 3:20am PST