لاقت تصريحات الرئيس سعد الحريري الصّحفيّة الذي قال فيها: "الحكومة المقبلة ستكون حكومة الوزير جبران باسيل ولن أترأس أي حكومة يكون فيها باسيل"، ردود فعل من قبل عددٍ من نواب وأعضاء التيار الوطني الحرّ.
غرّد عضو تكتل "لبنان القوي" النائب سيزار أبي خليل على حسابه عبر "تويتر"، كاتباً: "لا ينفع البلد الحرد السياسي والمراهقة ولا تُدار شؤون الناس بالإنفعالية إنما بالعمل الجدّي و الدؤوب وتعاون الجميع للنّهوض من الأزمة الحالية".
لا ينفع البلد الحرد السياسي و المراهقة و لا تدار شؤون الناس بالانفعالية انما بالعمل الجدي و الدؤوب و تعاون الجميع للنهوض من الازمة الحالية
— Cesar Abi Khalil (@CesarAbiKhalil) December 24, 2019
وفي السّياق، غرّد النائب حكمت أديب كاتباً: "بيفشل، بيستقيل، بيزعل وبيحرد ، الله يصبرك يا شيخ!".
بيفشل ، بيستقيل ، بيزعل وبيحرد ، الله يصبرك يا شيخ!
— Hikmat Dib (@DibHikmat) December 24, 2019
ومن ناحيتها، أشارت نائب رئيس التيار الوطني الحر للشؤون السياسية مي خريش، في تغريدة على حسابه عبر "تويتر" إلى أنه "في ناس بعدها عايشة بالماضي، ومش عم تقدر تطلع من مشاعرها، قلنا انو نحنا جاهزين للتضحية لحد إلغاء الذات، وما بدنا نكون ولا بشكل من الأشكال بالحكومة، رح ندعمها، ولن نعرقلها، شو المطلوب بعد أكتر من هيك؟ منعطيه مقاعدنا؟ للأسف في ناس عم تتقصد تحرق مش بس طبخة حكومة، عم تتقصد تحرق البلد".
في ناس بعدها عايشة بالماضي…ومش عم تقدر تطلع من مشاعرها…قلنا انو نحنا جاهزين للتضحية لحد إلغاء الذات…وما بدنا نكون ولا بشكل من الأشكال بالحكومة…رح ندعمها…ولن نعرقلها…شو المطلوب بعد أكتر من هيك؟ منعطيه مقاعدنا؟ للأسف في ناس عم تتقصد تحرق مش بس طبخة حكومة…عم تتقصد تحرق البلد
— مي خريش (@MayKhreich) December 24, 2019