ردَّ عضو كتلة المستقبل النائب محمد الحجار على عضو تكتل لبنان القوي النائب سيزار أبي خليل فقال، "يا سيزار، سلامة فهمك عم بحكيك عن طلب اذن للملاحقة الجزائية يلي من اختصاص النيابات العامة، بترد عليي انو في لجنة تشكلت بوزارة العدل ومجلس الشورى وهيدا إجراء إداري إذا صار!! شو اختصاصها هيدي اللجنة يلي ما حدا سمع عنا؟ بأي قانون منصوص عنها؟ وين القرار اللي طلعتو؟".
يا سيزار،سلامة فهمك.. عم بحكيك عن طلب اذن للملاحقة الجزائية يلي من اختصاص النيابات العامة، بتردّ عليي انو في لجنة تشكّلت بوزارة العدل ومجلس الشورى وهيدا إجراء إداري إذا صار !! شو اختصاصها هيدي اللجنة يلي ما حدا سمع عنا؟ بأي قانون منصوص عنها؟وين القرار اللي طلعتو؟
— Dr. Mohamad AlHajjar (@DrMohamadHajjar) April 28, 2020
1/2
وأضاف في تغريدةٍ على حسابهِ عبر "تويتر"، "بتعرف إنو ما في حدا سمع بهاللجنة بالنيابة العامة المالية وما تبلغو أي قرار منها، هيدا إذا تألفت؟؟ شو النصوص اللي استندت إلها؟؟ إلا إذا فاتحين قضاء عحسابكن وما حدا بالبلد معو خبر! بكفي تذاكي عالشعب وتضييع للطاسة وهدر للطاقة".
وأرفق تغريدته بهاشتاغ: "#وزارة_الطاسة(الضايعة) #وكل #الصفقات".
بتعرف إنو ما في حدا سمع بهاللجنة بالنيابة العامة المالية وما تبلغو أي قرار منها..هيدا إذا تألفت؟؟شو النصوص اللي استندت إلها؟؟إلا إذا فاتحين قضاء عحسابكن وما حدا بالبلد معو خبر!
— Dr. Mohamad AlHajjar (@DrMohamadHajjar) April 28, 2020
بكفّي تذاكي عالشعب وتضييع للطاسة وهدر للطاقة! #وزارة_الطاسة(الضايعة) #وكل#الصفقات
2/2
وفي وقتٍ سابق، أشار النائب الحجار الى أنه "بالـ 2012 كان جبران باسيل وزير طاقة، وصارت بوقتها فضيحة سرقة مليارات الليرات من المازوت، ورفض حضرة جنابو يعطي المدعي العام المالي إذن بملاحقة المشتبه بهم وجميعهم في فلكه، يتفضل اليوم يطلب ملاحقتهم".
واضاف، "بلا ضحك عالعالم، الفساد منكم وفيكم والكهرباء اكبر دليل".
بال ٢٠١٢ كان جبران باسيل وزير طاقة، وصارت بوقتها فضيحة سرقة مليارات الليرات من المازوت،ورفض حضرة جنابو يعطي المدعي العام المالي إذن بملاحقة المشتبه بهم وجميعهم في فلكه ..يتفضل اليوم يطلب ملاحقتهم..
— Dr. Mohamad AlHajjar (@DrMohamadHajjar) April 27, 2020
بلا ضحك عالعالم..الفساد منكم وفيكم والكهرباء اكبر دليل
ليرد عليه أبي خليل بتغريدة عبر "تويتر"، حيث قال "في ٢٠١٢ انكشفت الكذبة وثبت بالتحقيق ألا أساس لأي تهمة فساد كما ظهرت اليوم كذبة عرض سيمنز المزعوم وعلم الجميع يومها أننا فوتنا على تجار المازوت فرصة الاستفادة من دعمه فغضبوا وللتذكير الوزير باسيل تحدى مجلس النواب من داخله للذهاب الى تحقيق ميداني على الهواء ولم يجرؤ أحد على مجاراته".
في ٢٠١٢ انكشفت الكذبة وثبت بالتحقيق ألا أساس لأي تهمة فساد كما ظهرت اليوم كذبة عرض سيمنز المزعوم.
— Cesar Abi Khalil (@CesarAbiKhalil) April 27, 2020
علم الجميع يومها أننا فوتنا على تجار المازوت فرصة الاستفادة من دعمه فغضبوا
وللتذكير الوزير باسيل تحدى مجلس النواب من داخله للذهاب الى تحقيق ميداني على الهواء ولم يجرؤ أحد على مجاراته https://t.co/C9xOvTvGtZ
من جهته، رد الحجار على أبي خليل بالقول:"لمعلوماتك يا سيزار بالـ ٢٠١٢ تواصلت مع التفتيش ومع المدعي العام المالي بموضوع فضيحة المازوت.التفتيش المركزي حقّق بالفضيحة وأصدر تقريره الذي إستند إليه القاضي علي ابراهيم وقرر ملاحقة الموظفين المتهمين لكن لم يعط الوزير باسيل إذن الملاحقة فحفظ الملف".
وأضاف، "القاضي ابراهيم موجود يمكن سؤاله".
لمعلوماتك يا سيزار بال ٢٠١٢ تواصلت مع التفتيش ومع المدعي العام المالي بموضوع فضيحة المازوت.التفتيش المركزي حقّق بالفضيحة وأصدر تقريره الذي إستند إليه القاضي علي ابراهيم وقرر ملاحقة الموظفين المتهمين لكن لم يعط الوزير باسيل إذن الملاحقة فحفظ الملف.
— Dr. Mohamad AlHajjar (@DrMohamadHajjar) April 27, 2020
القاضي ابراهيم موجود يمكن سؤاله
هذا السجال استمر، حيث رد أبي خليل على تغريدة الحجار بالقول:" لزيادة معلوماتك يا محمد، يومها تشكلت لجنة تحقيق مشتركة مؤلفة من قاضي من وزارة العدل، ورئيس غرفة في شورى الدولة، ووزارة الاقتصاد، ووزارة المالية، وخلصت اللجنة إلى أن لا صحة لإدعاءاتكم وتم إبلاغ التقرير من وزير العدل".
ولزيادة معلوماتك يا محمد، يومها تشكلت لجنة تحقيق مشتركة مؤلفة من قاضي من وزارة العدل، ورئيس غرفة في شورى الدولة، ووزارة الاقتصاد، ووزارة المالية، وخلصت اللجنة إلى أن لا صحة لإدعاءاتكم وتم إبلاغ التقرير من وزير العدل https://t.co/u3F7kjFsQx
— Cesar Abi Khalil (@CesarAbiKhalil) April 28, 2020
الـــمــــزيــــــــــد
