"الله يهنيك"... الأب علاوي يستذكر نجله بكلماتٍ مؤثرة

إستذكر الأب مجدي علاوي نجله ماتيو بكلماتٍ مؤثرة في الذكرى الاربعين على وفاته.

وكتب على صفحة "سعادة السماء": "غابت الضحكة ودبل الورد وأتغير مكان وزمان العرس ،السما اتزيّنت ولبست أنقى ثوب تا تستقبل العريس."

وتابع, "شو كنت حابب إفرح فيك ،إنسرق الحلم يا بيي وصارت حياتك واقع مجسّد بصور معلقة على الحيطان بعد ما كانت الدني مش سايعتك."

وأضاف, "غدروك وبحقدن زنّروك وجسدك الضعيف انهزم ،انطعن ، مات واندفن."

وأستكمل, "40 يوم بعدّت عنا بالجسد بس روحك باقية وخالدة مع كل نسمة عم تهمس ما تخافوا وما تبكوا عليي أنا عايش بسلام وامان وإنتو دايماً بصلاتي, شوفوني مع غمرة كل فقير مع بلسمة جرح كل مشرّد مع كل صنّارة عم بتأمن الصيد لعيش حياة كريمة ،انا باقي معكن بثورة الحب ما تخافوا تثوروا وتطالبوا بعدالة الحب."

وتابع, "ربي يسوع وإمي مريم ماتيو وديعة بين إيديكن، احضنوا ودفوا بحبكن وحنانكن ومعكن عرس السما بيحلى ."

وختم, "الله يهنيك يا ابني بمجد السماء اشتقتلك."