بعد الضجّة التي أثارها منشور الشيخ حسن مرعب على منصة "إكس"، والذي وثّق فيه ما قال إنها محاولة اغتيال تعرّض لها في صيدا، عقب منعه من تصوير حلقة مع الإعلامي تمام بليق، خرج الأخير بفيديو توضيحي نشره عبر حساباته الرسمية، كشف فيه ما وصفه بـ"الرواية الحقيقية" لما جرى خلال تصوير الحلقة.
وقال بليق في الفيديو: "للتوضيح حول موضوع حسن مرعب، الموضوع ما بدّو هلقد. الشيخ كان ضيف معنا بالبودكاست، وما كنا لا منتبهين ولا عارفين إنو المنطقة يلي عم نصوّر فيها فيها من إخواننا الشيعة، يلي منحبّن ومنقدّرهن كتير".
وأضاف، "ويلي عم بقول إنو صار مشاكل، ما صار أي شي بالحلقة، بل طُلب من الشيخ الخروج بكل تهذيب، وقربوا عليه وطلع بالسيارة بكل هدوء، وما صار أي توتر".
وتابع بليق موضحًا، "نحنا ما كنا عارفين بهالتفاصيل، وهيدا حجم الموضوع، ما بدّو هلقد، وشكرًا لكل يلي أمّنوا سلامة المنطقة، لأنو فعلاً كل الحكي يلي عم يُنقال ما في شي منّو".
ويأتي توضيح الإعلامي تمام بليق بعد ساعات من تداول الفيديو الذي نشره الشيخ مرعب، والذي أظهر فيه آثار إطلاق نار على سيارته، زاعمًا أنّه تعرّض لمحاولة قتل من قبل عناصر تابعين لـ"حزب الله"، وهو ما أثار تفاعلًا واسعًا على مواقع التواصل الاجتماعي.
الـــمــــزيــــــــــد
