ما تفكّر إنّو سفرة الأحلام مستحيلة.. بس حسبلها حساب!

بتكون بالشغل وفجأة بسافر فيك خيالك على جزيرة استوائيّة وبتلاقي حالك مسترخي على الآخر تحت أشعّة الشمس، على شطّ رملي أبيض والبحر أزرق صافي... ما تفكّر إنّو سفرة الأحلام مستحيلة بس من الطبيعي تحسبلها حْساب.

انا بوب، وراح خبرك كيف تخصص ميزانية لفرصتك.

تذاكر السفر تعتبر المصروف الأكبر بالرحلة كلّها، فتّش على الأسعار المخفّضة أو احجُز على بكّير بأسعار أرخص.

أسعار الغرف بالأوتيل بتفرق بحسب تواريخ الحجز، البلد، والرسوم. شوف العروضات على مواقع مخصّصة بالفنادق أو اسأل مكتب السفريّات عن الـ ‪Packages‬ الجديدة.

أمّا الجولات السياحيّة، فيك تخصّصلها مبلغ أو تزور مواقع بتعمل حسومات على الحجز المُبكر.

وبالنسبة للأكل،تجنّب تكون الترويقة والغدا والعشا بالمطاعم حتى لو كانت مطاعم ‪Fast Food‬.

وحسوب حساب انو المصروف يتضمّن الـ ‪Souvenirs‬ والتاكسي وحتّى الـ ‪Concerts‬ والعروضات الفنيّة وأكيد مبلغ للحالات الطارئة.

ضروري تخصّص ميزانيّة مدروسة لسفرتك ليكون بالك مطمّن إنت وعم تعيش لحظات من العمر.