هكذا نعى أحد العسكريين صديقه الشهيد

رثى العسكري السابق "وسيم عيد" في الجيش اللبناني على صفحته فيسبوك​ صديقه الشهيد "علي زيد المصري" قائلاً:

"علي زيد المصري... الصديق والأخ والمحبّ
ما بنسى صوتك بالمركز... ما بنسى كيف كنّا ندوبل أنا وياك نوبات الحرس لنخدم بنفس النوبة... ما بنسى كيف كنّا نزبّط خدمتنا ومأذونياتنا سوا... ما بنسى كيف كنّا نقوّص ع أهداف بعضنا بالرّماية... ما بنسى طعمة لبنة الأمبريس اللي كانت تبعتن خالتي أم علي... ما بنسى وقفتك عالمصلّية قبل كل مهمّة نطلعا... نهار اللي إجت تشكيلاتي ع مكتب قائد الجيش بال ٢٠٠٧ قلتلي كيف بدّي كمّل وأنت مش هون... كل العالم كانت تعيطلي "عيد" إلا أنت تقلّي خيّي... رخص الحكي يا علي... حتى الدموع بطّل إلا نكهة... الله يرحم التراب اللي ع صدرك يا حبيب القلب... نام ورتاح...
ولادك أمانة برقبتي".