بالصورة-يوسف حداد:" ولازم بالسرماية ينضرب كل سارق وفاسد"

نشر الممثل اللبناني يوسف حداد هذا التعليق معبرا عن غضبه من الفساد والسرقة المسيطر في لبنان:
معقول هالحكي وبأية منطق،فضيحة وطنية مكملة بحقنا كمواطنين ملتزمين بالقوانين ونتأمل ببناء وطن عادل.
اتضحلي انو ازمة الاخلاق والانتماء والوطنية تجذرت وكبرت لحد الفحش وقلة الحيا وعدم الخوف من المحاسبة يومأ.
مليارات انسرقت والاف استشهدت والطائفية بأوج عزها والاقتتال مستمر والنهب ع عينك يا تاجر بكل الوزارات والمباني الحكومية والمؤسسات العامة مع موظفين فاسدين تابعين خنوعين مذهبيين راكعين قدام الريس وبخدمتو المهم يضل النهب ماشي.
الصورة الحاططا بتفرجي اداي كمية السرقة ولاي ما بدهم الكهربا تجي وتتأمن لأنن عم يتقاسمو فواتيرنا متل يهوذا وجنود العتمة.
الله لا يسامح كل مسؤول او موظف استعمل ومكفّي منصبو للنهب والتفرقة وتفقير الناس وضياع الوطن والهوية.هزلت ولازم بالسرماية ينضرب كل سارق وفاسد.يا ويلهم من ربهم ما شبعو بعد.