انتشرت أمس عبر مواقع التواصل الاجتماعي، صورةً أثارت جدلا للنائب رولا الطبش أثناء تقديمها واجب العزاء بالبطريرك مار نصرالله بطرس صفير في بكركي.
وفي الصورة، تظهر الطبش وهي تتناول القهوة، فيما يصادف أنه صيام في شهر رمضان. وانهالت التعليقات على الطبش، منهم المعارض ومنهم المؤكد على حريتها الشخصية.
فغرّدت إحداهن "النائب عن المقعد السني التابعة لتيار المستقبل رولا الطبش تشرب القهوة خلال نهار صيام العاشر من رمضان. بتصومي او ما بتصومي في الله بيحاسب او يمكن عندك عذرك الشرعي، بس احترمي المقعد السني اللي عم تمثليه عالقليلة وما تجاهري بإفطارك قدام الكل!".
النائبة عن المقعد السني التابعة لتيار المستقبل رولا الطبش تشرب القهوة خلال نهار صيام العاشر من رمضان.
— dalia (@daliajbayle99) May 16, 2019
بتصومي او ما بتصومي في الله بيحاسب او يمكن عندك عذرك الشرعي، بس احترمي المقعد السني اللي عم تمثليه عالقليلة وما تجاهري بإفطارك قدام الكل!#تيار_المستقبل
وعلّق أحدهم ساخرا معقول "النائبة"رولا الطبش مسيحية وعاملة حالها سنية؟".
معقول"النائبة"رولا الطبش مسيحية وعاملة حالها سنية؟!!!
— Cohiba (@ogero99) May 16, 2019
في المقابل، أكّد الكثيرون على حرية الطبش الشخصية.
فعلّقت الإعلامية ديما صادق بالقول "بدك تحاسب النائب اللي انتخبته حاسبه على أدائه التشريعي، على اذا نفذ وعوده الانتخابية. حياته وطقوسه الشخصية ما حدا اله معها! واذا انت منتخبها لتطبيق شريعة السنة فكنت ما تنتخبها من الاول لانها مش محجبة، مش الحجاب فريضة؟" ،متابعةً "الدين شأن خاص! كل التضامن مع رولا الطبش".
بدك تحاسب النائب اللي انتخبته حاسبه على أدائه التشريعي، على اذا نفذ وعوده الانتخابية . حياته و طقوسه الشخصية ما حدا اله معها !و اذا انت منتخبها لتطبيق شريعة السنة فكنت ما تنتخبها من الاول لانها مش محجبة ، مش الحجاب فريضة ؟ الدين شأن خاص ! كل التضامن مع رولا الطبش .
— Dima (@DimaSadek) May 16, 2019
وغرّدت أخرى "ما بعتقد ضمن دوافع انتخاب اي نائب "صيام شهر رمضان" او اتباع التعاليم الدينية. اذا هيك، حضراتكم فهمانين التمثيل البرلماني غلط".
التنكيت على رولا الطبش لأنها كانت فاطرة وعم تشرب قهوة ببكركي أمر سخيف جدًا.
— Soraya Dali-Balta (@SorayaDaliBalta) May 15, 2019
ما حدا خصه اذا نائب/ة بصوم أو لا، أو معذور أو لا، او متديّن أو لا.
ما بعتقد ضمن دوافع انتخاب اي نائب "صيام شهر رمضان" او اتباع التعاليم الدينية. اذا هيك، حضراتكم فهمانين التمثيل البرلماني غلط.
الـــمــــزيــــــــــد
