سكاف: اليوم ليس من أجلكم يا زعماء وقادة لبنان

كتبت رئيسة "الكتلة الشعبية" ميريام سكاف على صفحتها عبر "فايسبوك": "الصلاة والتأمل لأجل لبنان رفعها البابا فرنسيس لبلد منهار".

وأضافت، "والغريب انو السياسيين الي تسببوا بهالانهيار هني كمان مفكرين انو الصلاة الهن وع نيتهن، والبعض عم يتأمل مدري بشو".

وسألت، "مش مفروض حدا يقلن انو العالم عم بيصليلنا ليخلّصنا منن؟ او باقل تقدير ليوعى المسؤولين عن هالوطن ويقدّروا حجم الجحيم الي عايشين فيه؟".

وتابعت، "حدا يقلن انو البابا ما عندو ثقة فيهن. وانو " الوطن الرسالة" للقديس يوحنا بولس الثاني فهموه غلط وحوّلوه لرسائل سياسية متبادلة هدفها تحصيل المكاسب".

وقالت، "الاغرب انو الدور المسيحي الرائد بلبنان اختصروه بتسمية وزيرين وما عرفوا اهمية وركيزة هالدور المحوري المتشابك مع مسيحيي الشرق .. جوهرة الوجود".

وأضافت، هو "يومُ التفكيرِ والصلاةِ من أجلِ لبنان وليس من أجلكم يا زعماء وقادة لبنان".

وختمت،"نصّلي مع الحبر الأعظم والبطاركة من حاضرة الفاتيكان لتخفيف الألم عن شعب ما عاد عندو الا طلب رحمة الرب .. وتوقع معجزة للخلاص".