سكاف عن زوجها الراحل: "هو حالة ما بتشبه حدا"

بمناسبة عيد مار الياس, نشرت رئيسة الكتلة الشعبية ميريام سكاف عبر صفحتها الرسمية على تطبيق "انستغرام" صورة زوجها الراحل الياس سكاف, وأرفقتها بالتالي: "الرجال.. الرجال من صنف الاوادم بيطلعوا عالسما ومحبتهن بتضل عالارض، وهيك بالكتب السماوية صعد مار الياس الحي بمركبات نار, وانكتبت قصة انسان من رغيف وزيت وحطب ونار بمواجهة الجوع والظلم، وبقي بالكتب المقدسة " ايليا المزمع ان يأتي".

وأضافت, "بعيد مار الياس بنستعيد صورة رجال حمل اسمو ومشي ع دربو، ومن محبة الناس الو طلع عالسما بصوات الزغاريد والورد والدمع الي نزل متل النار".

وتابعت, "ما بيفل الياس من قلوب كتار ، وكل ما ينذكر اسم آدمي بيكون ايلي سكاف متصدّر العنوان لانو عاش حياة سياسية وطنية عن حق, ولا نهار فكّر بحالو او بحصتو او باستفادة من منصب عام، ولا نهار الا ما عاش مظلوم مش ظالم، وراح من هالدني مرتاح ضميرو.. لانو ما كان متلن .. ولا منهن كلن".

وأردفت, "هوي "حالة" ما بتشبه حدا .. انسان من هالناس وللناس, وكان عارف انو موجود بين حفنة متسلطة ما بتشوف الوطن الا من زاوية الانانيات والحصص والزبائنية السياسية, ومن يوم الي غاب أشتدّ وباء الفساد وتعاظم الحقد السياسي حتى وصلّولنا ع بواب الجحيم هني ومرتاحين".

وختمت رئيسة الكتلة الشعبية ميريام سكاف بالقول: "لكل الياس طيب وحي, وحامل الروح الطيبة, كل عيد وانت بخير".

View this post on Instagram

A post shared by Myriam Skaff (@myriamskaff)