غرّدت رئيسة الكتلة الشعبية ميريام سكاف على حسابها عبر "تويتر", كاتبةً: "بنصلّي مع أهل الضحايا حتّى ما تصير جريمة 4 آب مجرد ذكرى نحييها كل سنة ونرجع نبكي ع غياب العدالة".
وأضافت، "إنو تحترق بيروت بعصف شبه نووي هيدا مش حادث ولا صدفة وبتترتّب عليه مسؤوليات ع مستوى كل السلطة قبل واثناء وما تلا الانفجار".
وتابعت، "بعد 3 سنين عالجريمة ما بقى مسموح نشهد ع اغتيال القضاء وتفجيره بنترات التسييس الي عم تشمل كل البلد. أرواح الضحايا ناطرتكن لتحرروها من أسر الخلافات ويتم اطلاق يد المحقق العدلي القاضي طارق البيطار ويسطّر قراره الظني المعتقل بدائرة مُحْكمة".
وأردفت، "فعل اجرام وحرام إنو تبقى الحقيقة محبوسةكل هالسنين، ومن المعيب على قضاة لبنان انهن يرتضوا بإهانة بيروت الي بيسموها أم الشرائع".
وختمت سكاف، "يمكن رجعت البيوت وترمّمت الأبنية وعادت الحياة لشوارع مدمرة بس مين بيرمم الارواح الي ناطرة نطق العدالة من 4 آب 2020 لليوم؟ اذا النفوس مدمّرة يعني بعدو كل شي تحت الركام".
بنصلّي مع اهل الضحايا حتّى ما تصير جريمة ٤آب مجرد ذكرى نحييها كل سنة ونرجع نبكي ع غياب العدالة.انو تحترق بيروت بعصف شبه نووي هيدا مش حادث ولا صدفة وبتترتّب عليه مسؤوليات ع مستوى كل السلطةقبل واثناء وما تلا الانفجار. #انفجار_مرفأ_بيروت #٤_اب #اطلقوا_سراح_العدالة
— Myriam Skaff (@MyriamSkaff) August 4, 2023
الـــمــــزيــــــــــد
