ترزيان: رغم كل شي نحنا شعب ما بيموت

كتب هاغوب ترزيان على حسابه عبر "اكس"، "خمسين سنة مرقوا، والحرب بعدا محفورة بذاكرتنا، خمسين سنة، ولبنان بعده عم يلملم جراحه، شقفة شقفة، بتتذكّروا كيف بلّشت؟ كيف انقلب الوطن لساحة حرب؟ ما حدا ربح، والكل خسر".

ذكرى الحرب اللبنانية – خمسين سنة وجع

خمسين سنة مرقوا، والحرب بعدا محفورة بذاكرتنا.
خمسين سنة، ولبنان بعده عم يلملم جراحه، شقفة شقفة.
بتتذكّروا كيف بلّشت؟ كيف انقلب الوطن لساحة حرب؟
ما حدا ربح، والكل خسر.

بس رغم كل شي، نحنا شعب ما بيموت.
نهضنا من تحت الركام، بنينا بيوتنا،… pic.twitter.com/lTViyk2r7f

— hagop terzian - هاكوب ترزيان - Յակոբ Թերզեան (@terzianhagop) April 13, 2025

وأضاف، "بس رغم كل شي، نحنا شعب ما بيموت، نهضنا من تحت الركام، بنينا بيوتنا، وبلّشنا نحب بعضنا من جديد، ولو بخوف، الوجع علّمنا قيمة السلام، وقيمة الحياة، وقيمة الإنسان".

وتابع، "بهالذكرى، ما بدنا ننبش الجراح، بدنا نذكّر إنو الحرب ما بتنفع، يا لبناني، خليك صاحي، خلي الحرب تضل ذكرى، مش كابوس يرجع".

وختم، "خمسين سنة وجع، كافية لتكون درس، ولازم نكتب خمسين سنة جايين من المحبّة، من العدالة، ومن السلام".

ويُعدّ تاريخ 13 نيسان من الأيام الحاسمة في تاريخ لبنان الحديث، حيث يمثل تاريخًا محوريًا في بداية الحرب الأهلية اللبنانية التي دامت من عام 1975 حتى عام 1990. ففي هذا اليوم، اندلعت اشتباكات دامية في بيروت، وكانت هذه الاشتباكات بمثابة الشرارة التي أطلقت مرحلة من العنف بين اللبنانيين.