بالفيديو والصور.. "معالي الوزير خلي بكرا عطلة يصير"

استقبل لبنان اليوم "تالاسا", عاصفة جديدة سترافق اللبنانيين حتى يوم الأربعاء, وما ان أتت "تالاسا" حتى بدأ رواد مواقع التواصل الاجتماعي مناشدة وزير التريبة الياس بو صعب,
الذي لم يدلي بعد بأي تصريح لعطلة رسمية في الأيام القادمة كما فعل سابقاً.

تناقل التلامذة على صفحاتهم فيديوهات وأغاني مركبة وصور وبوستات, بالاضافة الى تعليقات ساخرة من الوزير الذي اطلقوا عليه لقب "وزير الطقس" نادوا من خلالها "رجل القرارات الصعبة" الذي بات يتمتّع بشعبيّة كبيرة في صفوف تلامذة المدارس نتيجة قرارات الإقفال التي اتخذها بدءاً من السنة الدراسيّة الماضية حتى اليوم اضافة لقرار منح طلاب الشهادات الرسمية الافادات في العام الماضي بعد تفاقم ازمة سلسلة الرتب والرواتب, ليذكرونه بالعاصفة, طالبين منه ألا يخذلهم, ويقر عطلة رسمية نظرا للطقس العاطل.

فعلق أحدهم: "بعد اجتماع دام لساعة بيني وبين الوزير بو صعب تداولنا انا وياه عن العاصفة والعطلة, فأقترح بيان العطلة حتكون بكرة تكريماً لي بمناسبة عيدي وقلي لعيونك يا نينا العطلة بكرة معينينا, بوصعب يرضى عليك لا تخزبلني ولا تكذبني."

وعلق اخر "هي: بتحب الشتوية منشان تلبس جاكيتو، وهو: بيحب الشتوية منشان يغمرها ويدفيها بحنانوا، وانا بحب الشتوية منشان بوصعب يعطلنا!!.. كونوا متلي"

كما وجه البعض رسالة ساخرة لمدير الجامعة اللبنانية عدنان السيد حسين, لمقارنة قراراته بقرارات "بوصعب":"عزيزي مدير الجامعة اللبنانية عدنان السيد حسين يللي فتحت غوغل تأعرف شو اسمك.. مبسوط هيك؟ حلوة بحقك يعني؟ بوصعب يربّي شعبيّة ويجوهر وأنت تبقى منبوذ بالمجتمع؟ نحن تلاميذ الجامعة اللبنانية ما منرضالك ياها.. بس انت يعني ساعدنا، عملّك حركة، يا خي ما تتحرك، بس احكي، قول بكرا عطلة، قوي قلبك أي لا تخاف، بس انو تتركنا هيك علكة بلسان تلاميذ المدارس، ما حلوة منك أبدًا ، والله !.."