بقلم جان جورج زغيب-جديدنا-
لأ يا ايلي، مش هيدا الخبر اللي بدي اكتب عنو… لأ يا حبيب قلبي مش هيك بتباركلي بالتطبيق وبتفل…
انت اللي تحديت ووقفت وتعذبت ومتت الف مرة …هيك بتفل؟
ما بيفلو غير الاوادم والناس المبدعين والقلوب الصافية.
ايلي ابي رزق ابن جوار البواشق عشقوت المؤسسة العسكرية واستخبارات الجيش غادرنا عن عمر 33 سنة بسبب المرض الخبيث اللي حاول يقتلو سنين.
الله معك يا صديقي بأسبوع الالام. ارقد على رجاء القيامة. بذكر قلتلي انا بفكر متلك وكل شي عم تعملو مميز وكنت بالمستشفى عم تتوجع قلتلي اوعا تجي. ما بدك شوفك الا متل ما شفتك دايما .. واكيد انك فليت رافع راسك وشامخ يا اطيب قلب.
ضحيت كرمال منطقتك ورفاقك ووفيت للجيش وكان كل شي تعملو لمحبتك للارض والانتماء…ضحيت كتير واليوم الكون ضحى فيك…
مرة طلبت يصلولك عبر مواقع التواصل واليوم برجع بطلب يصلولك وانت صليلنا يا ابي رزق …الله معك
الـــمــــزيــــــــــد
تــابــــع كــل الأخــبـــــار.
إشترك بقناتنا على واتساب
Follow: Lebanon Debate News