بالفيديو: مع بنك بيروت.. ديجان ديدوفيتش يكسر القاعدة

يقال عادةً إنو وقت الفريق بيربح بيعطوا ألحق للاعبين أما وقت الفريق بيخسر فالحق بكون عالمدرب....

ديجان ديدوفيتش تمكن من كسر هالقاعدة وكسب إحترام الجميع وتحول من مدرب عادي إلى عنصر كبير لإحراز بنك بيروت 6 القاب محلية ومركز خامس ببطولة آسيا...

المدرب يلي اجا من صربيا كان عندو طموح إنو يوصل ثقافة الفوتسال إلى الملاعب اللبنانية ونجح إنو يفوز مع بنك بيروت بإحترام الجمهور محلياً وآسيوياً....

بيعتبر "كوتش ديجان" إنو اللاعب النجم يلي أعطى كتير للنادي لازم يتحول من الملعب إلى الجهاز الفني، وبالتالي وجود الكابتن التاريخي لبنك بيروت حسن حمود إلى جانبو كمساعد مدرب ساعدو كتير بالتمارين وبالمباريات، وفي حال بالمستقبل ترك النادي، فالفريق بأيادي أمينة مع المدرب حمود....

عندما أتى إلى نادي بنك بيروت، أشار للاعبين إنو كلن بالنسبة لالو هني متل بعض والطريق الوحيدة للوصول هي التضحية من أنفسن من أجل فوز الفريق باللقب والمنافسة بآسيا...

مهم كتير بالنسبة إلو أن اللاعبين يشعروا بالأمان والإستقرار خصوصاً إنو وقت الإحتراف بيخلص بوقت سريع وبالتالي يأمنوا حالن ومستقبلن مع بنك بيروت لكل حياتن....