"باسم النظام والوطنيّة كل مزبلة عنا في عليها ديك"

ليبانون ديبايت - الأب أثناسيوس شهوان:

يا زمان الطائفية
طائف فيّي وطائف فيك

خلّي إيدك عالحزبيّة
وشَّد عليها قد ما فيك

نفوس ميليشاويّة
معشعشة فيّي وبكل واحد وفيك

يلّي شفنا مبارح نفوس زمرويّة
لا المهاجمين نفوسن طوباويّة
ولا المدافعين شي كتير شيك

مرحبا شعارات وديمقراطيّة
لا الحريّة مفهومة عنا شو هيّ والتبرير كلّو تعليك

باسم النظام والوطنيّة
كل مزبلة عنا في عليها ديك

شو هالحالة المهتريّة
الله يرحمنا صلّي يا لبناني
صلّي يا شريك