ليليان نمري تكتب بحرقة بإسم الشعب اللبناني!

(رصد التحري)

بقلب موجوع وبإسم كل مواطن يعيش في وطن تعمه الفوضى، وبعض المسؤولين فيه يتجاهلون مطالب شعبهم. كتبت الممثلة القديرة ليليان نمري بحرقة عبر صفحتها الخاصة على الفايسبوك:

"حدا من النواب المرَّشحين بيعرف :

بيعرف انو انا بعد هالعمر عم فكر بالهجرة
رح اترك بلدي واتشحشط وانا عا بواب الستين سنة
يعني خلص ما بقي شي من العمر حتى اتبهدل بالغربة
لانو سنة بقدر اعمل تأمين طبابة و 3 سنين لأ
بيعرف انو كتار متلي ما بيملكو شي ولا شي
ومتعلقين بهالأرض رغم كل شي ،
بيعرف اني عم ببكي كل يوم عا عمري اللي راح ببلد ما بيعرف الا قيمة المدعومين
بيعرف انو كل يوم بيجيني اكتر من عشر رسائل من شباب عا كلمة وحدة
بليز فيكي تدبريلي شغل
بيعرف شو عم بيصير بكل زاوية بهالوطن
بيعرف قديش في عالم ما معن مصاري ، بيعرف شو يعني مصاري , يعني تعيش بكرامة وما تعوز حدا
بيعرف انو نحنا ما منكرهُن بالعكس منحبُن بس كلكُن ما بتحبونا ،
بيعرف قديش صرلنا ناطرين ضمان الشيخوخة وتنظيم مهنتنا المعشعش فيها الظلم والمحسوبيات
بيعرف قديش حاسة شو صعبة طلعة درج الطيارة وانا مسافرة عالمجهول
اكيد بتعرف بس ما قادر تعمل شي
اكيد بتعرف بس هيك مكتوب علينا
بتعرف قديش اللبنانية بيكرهوا بعضن ، لإنو بحياتكن ما زرعتوا الا الفتنة والتعصب والحقد
بتعرف ليش ما بنتخِب ، لإني ما ببيع اسمي وصوتي لحدا بالو بس بالكرسي
اكيد بتعرف ، بس اللي انا بعرفو ،فقدت الثقة
وما بقا بدي اعرف شي ....
#من_قلب_محروق عا وطن كلنا ما منستاهلو ????"