بالفيديو: تعذيب كلب وحرقه ... "لبنان حيصير صرماية الشرق"

نشرت الصحفية غنى نحفاوي بلطجي على صفحتها الخاصة عبر "فيسبوك" فيديو لكلب معذب ومحروق.

وعلقت على الفيديو بالقول:" بحياتي كلها، ومن لما بلّش قلبي يغلي ويبكي كل ما شاف حيوان مقتول، مسموم، او مقوّص، ما تخايلت ولا للحظة اني حشوف كلب تم وضع بطاطا بقفاه وبتمّو ومربط وبعدين حرقوه".

وأضافت:" اصلاً ما صدقت اللي شفتو، اصلا عيوني ما قبلو يقبلو اللي عقلي شافو. شفت انسان حقير مجرد من القيم والمباديء! شبه انسان،،او لاء، حتى صعب يكون وحش، لأن الوحوش ما بتكون مدركة للعمل الوحشي اللي عمبتقوم فيه، انما هالحقير خطط، ورسم، واختار البطاطا، بزمن فيه ناس ما عندها رغيف خبز ببيتها!".

وتابعت:" لك لا دين ولا الله ولا نبي ولا رسول ولا ملايكة ولا قديسدين قادرين حتى يشوفوا شو نوع هالعمل الوحشي، لك حتى مستحيل يكونوا فكروا انو ممكن يكون في مخلوق هني ساهموا بولادته قام بهالعمل الوحشي. لا دين ولا مباديء ولا قيم ممكن تقبل بهالجريمة! لروح هالطيب اللي تعذب وانذل وما فهم ليش البطاطا وليش مربوط...لروحه، يمكن اقل شي نخبرهم انو بسبب هالمجرمين، لبنان اللي هو سويسرا الشرق، حيصير صرماية الشرق!".

ولم تفصح بلطجي عن مكان العثور على الكلب.