قرَّرت الأمينة العامة لحزب سبعة، الإعلامية غادة عيد أن تَسرُدَ لِوزير الزراعة حسن اللقيس، وكل الوزراء والنواب والمسؤولين الذين يقفون بوجه الشعب "بعد ما سرقوا ونهبوا وأفلسوا البلد"، خبرية الحاج شومان والبقرات والمجاعة.
وبدأت عيد بسرد القصة، مشيرةً، الى أنّ الحاج شومان اتصل بها يشكو بطريقةٍ "فوق العادة" هذه المرة، ويبكي على البقرات.
سألتهُ عيد: "شو القصة؟". فقال لها المزارع: "يا الله، المزارعين بالبقاع عم بيدبحوا البقرة الحلوب ويبيعوا لحمها".
سألته عيد عن السبب، فشرح لها أن "البقرة صارت مع فرق العملة بتاكل ب ٣٥ الف ليرة بالنهار، وبتعطي حليب بين ٢٠ و٢٤ كيلو يعني ٢٤ الف".
وأضاف: "بس كان الدولار بـ١٥٠٠ كانت البقرة عم تربحنا ٥٠٠٠ ليرة كل يوم، شوفي وين صارت حالتنا".
وتابع الحاج شومان لعيد: "يوميًّا عنّا ١١ الف ليرة خسارة بكل بقرة، والمزارع مش عم يقدر يطعمي ولادو كيف بدو يطعمي البقرات".
وفورًا، سألت عيد الحاج شومان: "ليش بدكن دولار حتى تطعمو البقرات؟".
فقال: لإنو العلف بيجي من برا.
فسألتهُ: "ليش ما بتزرعو شعير ودرة؟".
فأجاب المزارع عيد: "لإنو ما حدا بيهتم فينا وبساعدنا وبيوجهنا وبيحمي المزروعات، عم تسألي وكأنك ما بتعرفي مزارعين البقاع قديش قبل الثورة كانو عم يشكو ويبكو من فلتان الحدود ودخول البضاعة والمنتجات السورية، حتى الحليب المهرب قديش حكينا عنو كيف عم بيفوت من سوريا بلا تبريد ويتعرض للتلوث ومعامل الاجبان والالبان بالبقاع بتشتري منو، وربك عليم شو بيطعموا الناس، وطلعنا كم حلقة ببرنامجك "بدا ثورة" نصرخ ونحكي وما حدا بيسمع".
وتابع الحاج شومان: "قادمين ع مجاعة بعكار والبقاع، الناس اللي بتزرع مش قادرة تزرع بشباط. ما معها دولار تشتري بذور الزرع".
وبعد إنتهاء ما قاله الحاج شومان لها، فكَّرت غادة عيد من دون أن تتكلَّم: "المجاعة... وين كان رح تضرب كل الناس".
وأكملت: "اذا ما زرعوا المزارعين من وين منجيب الخضرا. واذا ما اكلوا البقرات من وين منجيب الحليب".
ورأت عيد أنَّ خبرية الحاج شومان تختصر وجعنا وأزمتنا، وأطماع المسؤولين المسعورين المفجوعين الذين لا يفكرون بالخضار والأبقار والإنتاج".
وأردفت: "إتَّكلوا على فوائد المصارف، وأرباحهم السريعة وعلى القرارات المعلبة، والمأكولات المستوردة، والأوامر الواردة من الخارج، وسرقوا أموال الوطن وأموال المودعين وهربوها للخارج".
وقالت: "اللي بيجي من برا بيرجع لبرا".
واستطردت: "ويلٌ لأمةٍ لا تأكل بقراتها من علف أرضها".
وبعد سردها لـ"القصة"، سألت غادة عيد: "بعد في حدا بيسأل ليش الحاج شومان ابن الارض المقاومة ببعلبك الهرمل من جماعة الثورة؟".
تــابــــع كــل الأخــبـــــار.
إشترك بقناتنا على واتساب


Follow: Lebanon Debate News