ستريدا جعجع: الأحد رَح نَقدّم قدّاس على نيّة كل الشهداء

كتبت عضو تكتل "الجمهورية القوية" النائبة ستريدا جعجع على صفحتها عبر "فيسبوك": "ما راحوا لأنا باقيين، استشهدوا بس منوعدن إنو مكملين، كملنا رغم الوصاية السورية،
كملنا رغم الضغوطات والتهديد، كملنا بالرغم من الاعتقالات، واليوم مكملين أكتر من اي وقت مضى".

وأضافت, "انفجار بيروت ما رح يركع لا العاصمة ولا اللبنانيين، نهار الاحد رح نقدم القداس على نية كل الشهداء الذين سقطوا من اجل لبنان ال 10452 كلم2, رح نصلي نهار الاحد على نية لبنان السيد الحر المستقل، لبنان الدولة القوية، لبنان يللي بيشوفوا فيه اللبنانيين مستقبل ولادن على كافة المستويات".

وتابعت, "لبنان الكهرباء, لبنان اللي ما فيه تلوث، لبنان فرص العمل، من دون ما يتسكع الاهل على ابواب الزعماء, العزة والكرامة والخلود لشهدائنا الابرار, صلولنا حتى نكمل مشوارنا الطويل".