انتشر على مواقع التواصل الإجتماعي، اليوم السبت، مقطع فيديو لشهادة امرأة مسنّة من محافظة السويداء، تروي فيه ما وصفته بـ«المجازر والانتهاكات» التي تعرّض لها الأهالي.
وقالت السيدة في شهادتها: «شو بدي قول عن المجازر اللي صارت… فاتوا عالبيوت، قتلوا، دبّحوا، سرقوا ونهبوا. هدول مش جايين ليدافعوا عنّا… نحنا انبسطنا جايي الهيئة لتدافع عنا، بس هني سرقونا، نهبونا، وقتلوا زلمنا وشبابنا ونسوانا… ما خلّوا شي».
وأضافت، «كل شي عم يفبركوه بإعلامهم كذب بكذب… نحنا زلمنا ما بتتعدى على حدا، ما بتغتصب حدا، نحنا مش هيك ربّينا… نحنا ربّينا على الأصالة، وبعمرنا ما تعدّينا على حدا».
وتابعت، «استقبلنا سوريا كلّها ببيوتنا، وأويناهم، وكنا نمشيهم بدور الخبز قبلنا… بس هني شو عملوا فينا؟ الله كبير».
وتساءلت: «ع شو عم تحاصرونا؟ إنتو ونحنا ببلدنا… سوريا إلنا… لمين عم تحاصروا؟» وأضافت، «أنا جايي أخد خبز لعيالي ولأحفادي، وبدك أربع ساعات ليجي دورك… روحوا تفجوا وتعوا شوفوا وصوروا».
واستنكرت قائلة: «العالم كيف ساكت ع هيك ناس؟ فش عالم؟»، موجّهة نداءً إلى الأمم المتحدة: «وين العالم؟ وين الأمم المتحدة؟ وينكن؟».
الـــمــــزيــــــــــد
