دقيقة الإتصال عأوستراليا بتكلّف دولارين… بوقت لازم ما تتخطّى العشرة سنت!
من هون رجع ملف شركة WorldPoint Communication Inc – WPC للواجهة بقطاع الاتصالات بلبنان.
بحسب معلومات متداولة، الشركة تأسست سنة 2000 بأميركا على يد وزير الاتصالات الحالي شارل الحاج، قبل ما تنتقل ملكيتها لاحقًا لأطراف تانية.
وبـ2019، وقّعت عقد مع وزارة الاتصالات… يعني قبل ما الحاج يستلم منصبه الوزاري.
المعطيات بتقول إنو الشركة بتأمّن خدمة إنهاء المكالمات بين لبنان وأستراليا.
بس التسعيرة لافتة: الدقيقة محسوبة بحوالي دولارين، بينما الأسعار العالمية عادة أقل بكتير.
أما تقنيًا، فالسجلات بتبيّن آلاف المكالمات الشهرية بنفس المدة تقريبًا: 7160 ثانية لكل مكالمة… شي مش مألوف وبيحتاج توضيح. والأنظار اليوم على وزارة الاتصالات لتقديم تفسير رسمي.
الـــمــــزيــــــــــد
