بيروت... جرح عم يكبر! (فيديو وثائقي)
بيروت... جرح عم يكبر! (فيديو وثائقي)
2021 - آب - 04

"سبوت شوت"

بيحكوا عن مدينة عمرها آلاف السنين

مدينة ماتت وقامت من الموت أكثر من 7 مرّات

اعلان

بيلقبوها بطائر الفينيق

بيروت لما بتسأل أهلها بيقولولك إنها ست الدنيا

لما بتسأل جيرانها بيقولولك إنها جنّة الشرق

مدينة بتشبه الغرب بس متمسكة بتقاليد وعادات الشرق

مدينة بتحب الإختلاف، بتحب التميّز، مدينة بتحب الحياة

بيروت اليوم مش متل بيروت مبارح

اليوم في جرح صار عمره سنة وبعدو عم يكبر

جرح عم ينزف دموع

دموع أهالي خسرت ولادها، عائلات فقدت أفراد بتحبّن،

ولاد عم تنام ع أبشع قصّة وما عم تحلم

دموع أهالي عم بتودّع ولادها على المطار

عم بتغصّ هيي وعم بتقول توصل بالسلامة

دموع شباب ناطرة فرصة ت تفل، تترك وطن، تترك ذكريات وتنبّش ع هوية جديدة

بيروت كترت القصايد اللي حكيت عن إيام العز وكمان عن إيام الحرب

كتار اللي بينلاموا وأكتر اللي ما تحاسبوا

بس هالمرّة عم نشهد، نحنا بدنا نخبّر قصة وجع كان فينا نتفاداها

قصة جريمة ما تركت بيت، ما تركت طفل، ما خلّت حلم ما قَتَلِتُه بطريقتها

مدينة الحضارة، مدينة الفن، عاصمة الموضة بالشرق

سكتت، وقعت بإيد الجهل، بظلم الإستبداد ولبست تيابها السود.
انضم الى قناة "Spot Shot by Lebanon Debate" على يوتيوب الان، اضغط هنا




اخترنا لكم

تواصلوا معنا عبر

حمل تطبيق الهاتف المحمول

من نحن   |   إتصل بنا   |   للاعلان معنا

تم تصميم وتطوير الموقع من قبل شركة ايتيك