هو أكبر من مجرد أي لاعب .. مسيرتو بالملاعب بتحكي عنو.... وخبرة كبيرة وإنجازات سنين... هو كابتن فريق بنك بيروت لكرة الصالات... جوني كوتاني...

بعد عدد كبير من البطولات بمسيرتو الإحترافية، بكل فخر وصل "جوني" تيحمل شارة كابتن فريق بنك بيروت، بموسم ما عرف النادي طعم الخسارة وقدر يفوز على كل الفرق..
إنو يحمل شارة الكابتن خلتو بموقع مسؤولية كبيرة ومرشد لزملاؤو بالنادي بإعطاؤن خبرتو الكبيرة...

حياة جوني ببنك بيروت هي خليط مميز بين دوامو بالشغل والتمارين اليومية، حيث تمكن من التوفيق بيناتن بكل نجاح.

التركيز على العلم أساسي جداً، بينصح "كابتن كوتاني" كل الشباب الصاعدين وبيطلب منن إنو يركزوا على العلم لأنن هني المستقبل وكمان يركزوا على الرياضة، ومتل ما في ثقافة بالعلم في ثقافة بالرياضة بشكل عام. وأيضاً يضلو الشباب متواضعين أد ما بلغت نجوميتن ويحترمو وياخدوا بنصايح الأكبر منن تيطورو خبرتن بالملعب وخارج الملعب.

"مبسوط كتير" بوجودو ببنك بيروت لأنو قدر يوصلو للشهرة وللنجومية بالفوتسال وكمان ساعدوا كتير بحياتو المهنية.